༄༄།། བདེན་ཚིག་སྨོན་ལམ་བཞུགས་སོ །། [bden tshig smon lam]
ན་མོ་རཏན་ཏྲ་ཡཱ་ཡ།།
ཚད་མེད་ཡོན་ཏན་རྒྱ་མཚོའི་དཔལ་མངའ་ཞིང།།
ཉམ་ཆུང་འགྲོ་ལ་བུ་གཅིག་ལྟར་དགོངས་པའི།།
དུས་གསུམ་བདེ་གཤེགས་སྲས་དང་སློབ་མར་བཅས།།
བདག་གི་བདེན་པའི་སྨྲེ་སྔགས་འདི་དགོངས་ཤིག།
འཛམ་གླིང་ཡངས་པའི་ཕན་བདེའི་དཔལ་དུ་རྒྱས།།
དེ་འཛིན་མཁས་དང་གྲུབ་པའི་སྐྱེས་བུ་རྣམས།།
ཆོས་སྦྱོད་རྣམ་བཅུའི་བྱ་བ་འཕེལ་བར་མཛོད།།
བར་མེད་དུཿཁས་མནར་བའི་ཉམ་ཐག་འགྲོ།
བཟོད་དཀའ་ནད་མཚོན་མུ་གེའི་འཟིགས་པ་ཀུན།།
ཞི་ནས་བདེ་དགའ་རྒྱ་མཚོར་དབུགས་དབྱངས་མཛོད།།
ནག་ཕྱོགས་ཀླ་ཀློའི་དཔུང་གིས་བརྩེ་མེད་དུ།
ངན་དགུས་འཇོམས་པའི་ཁྲག་དང་མཆི་མའི་རྒྱུན།།
མྱུར་དུ་ཆོད་པའི་ཐུགས་རྗེའི་མཐུ་དཔུང་བསྐྱེད།།
ཉོན་མོངས་གདོན་གྱིས་སྨྱོས་པའི་བརླང་སྦྱོད་ཀྱིས།།
རང་གཞན་གཉིས་ཕུང་བགྱིད་པའི་སྙིང་རྗེའི་ཡུལ།།
མི་བསྲུང་སྐྱེ་བོའི་ཚོགས་རྣམས་བླང་དོར་མིག།།
ཡོངས་ཐོབ་བྱམས་བརྩེས་མཛའ་བའི་དཔལ་ལ་སྦྱོར།།
ཡོངས་རྫོགས་བོད་ལྗོང་རང་དབང་གཙང་མའི་དཔལ།།
ལྷུན་བགྲུབ་ཆོས་སྲིད་ཟུང་འབྲེལ་དགའ་སྟོན་ལ།།
སྦྱོད་པའི་སྐལ་བཟང་མྱུར་བ་ཉིད་དུ་སྩོལ།།
བསྟན་དང་དེ་འཛིན་ཆབ་སྲིད་རང་རིགས་སླད།།
གཅེས་པའི་ལུས་སྲོག་ལོངས་སྦྱོད་ཡོངས་བཏང་སྟེ།།
དཀར་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།།
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།།
སྲས་བཅས་རྒྱལ་བའི་སྤྱན་སྔར་གངས་ཅན་ཞིང་།།
ཡོངས་བཟུང་རྒྱ་ཆེན་སྨོན་ལམ་གང་མཛད་པའི།།
འབྲས་བཟང་དེང་འདིར་མྱུར་དུ་འཆར་བར་གསོལ།།
མཆོག་གསུམ་ཐུགས་རྗེའི་མཐུ་དང་བདེན་ཚིག་སྟོབས།།
ལས་འབྲས་བསླུ་མེད་བདེན་མཐུས་བདག་ཅག་གི།
བདེན་པའི་སྨོན་ལམ་གེགས་མེད་མྱུར་འགྲུབ་ཤོག།
Download Tibetan Text only! (PDF)
Download Tibetan Text in phonetics with an English Translation (PDF)
Download Audiofile (Realplayer) among the Songs for Official Ceremonies (Government of Tibet in Exile); a translation is also available here. Download
Download an electronic edition of WORDS OF TRUTH - A prayer composed by HIS HOLINESS TENZIN GYATSO THE FOURTEENTH DALAI LAMA OF TIBET. Honoring and invoking the Great Compassion of the Three Jewels: the Buddha, the Teachings, and the Spiritual Community (BOSTON: WISDOM PUBLICATIONS, 1993) by DharmaNet Edition 1994
[bden tshig smon lam, Dentsig Mönlam, Dentshig Mönlam, Dentsig Monlam, also referred to as "Tseme Yonten" by Tibetans, Words of Truth, Prayer of His Holiness the 14 Dalai Lama, Tibetan Prayer, tibetisches Gebet,English Translation, Englische Übersetzung, Phonetics, Phonetische Umschrift, Lautschrift]
